Прадаўжаецца Тыдзень роднай мовы!

Прадаўжаецца  Тыдзень  роднай мовы! Для навучэнцаў  школы-інтэрната арганізаваны  шэраг цікавых і пазнавальных мерапрыемстваў. 

17 лютага -  выстава "Пісьменнікі- юбіляры 2025/2026", на якой дзеці маглі азнаёміцца з біяграфічнымі звесткамі і творамі З.Бядулі,  А.Макаёнка, К.Крапівы,  І.Мележа,  І.Шамякіна,  Ул.Караткевіча і іншых. 

  Таксама вучні  разгадвалі  крыжаванкі "Думай  актыўна,  жыві  пазітыўна", дзе трэба было  прадэманстраваць веды не толькі са школьнай  праграмы, але і звярнуцца  да гістарычных фактаў побыту беларусаў.

18 лютага школу наведалі супрацоўнікі бібліятэкі-філіяла #2 імя І.Шамякіна Парфененка Святлана Міхайлаўна  і Шубадзёрава Алена  Уладзіміраўна, якія для вучняў 6-8 класаў правялі інтэрактыўную гульню "Гэты цікавы  беларускі!". Вучням, адказваючы на пытанні, трэба было прайсці  станцыі "Эрудытная", "Беларуская  анаграма ", "Літаратурная", "Перакладчыцкая " і іншыя. Фармат "праз гульню  да ведаў" дазволіў навучэнцам праявіць зацікаўленасць і паглыбіць веды па мове і літаратуры.